نمایش پستها با برچسب تۆرکجه. نمایش همه پستها
نمایش پستها با برچسب تۆرکجه. نمایش همه پستها
۱۱/۰۲/۱۳۹۶
۱۰/۲۱/۱۳۹۶
تبریز: نمونه اعلامیه فوت به زبان تورکی
گلن بیردیر، قالان بیردیر، گئدن بیر
گلن قالماز، گئدن گلمز، عجب سیر
گلن قالماز، گئدن گلمز، عجب سیر
بیر اوول وار، بیر آخر وار، دئییرلر
بۇ بیر سؤزدۆر، نه اول وار نه آخر.
رحمتلیک مرتضی نبیزاده
حؤرمتلی اصغر نبیزاده جنابلارینین سئویملی او̊غلۇ
سایین جهان، جواد و علی جنابلارینین اۇنۇدۇلماز قارداشلاری
خانیمقیز آسئنانین آتاسی
حؤرمتلی ممد تبریزلی جنایلارینین کؤرهکهنی
و حؤرمتلی باجیمیز سایین لاچین تبریزلینین سئویملی حایات یولداشینین فانی دۆنیایا گؤز یۇمماسیندان قیرخ گۆن کئچدی.
بۇ جان یاندیریجی و کدرلی آیریلیق ایله باغلی جومعه گۆنۆ(96/10/22) تاریخینده، ساهات 10/5دان-12/5دهک مشروطه خیاوانی، مشروطه پارکینین اؤز به اؤزۆ، اۇچاۇنجۇ کۆچهده. ایمام حسن(ع) مچیدینده یاس تۆرهنی کئچیریلهجکدیر.
سیز عزیزلرین بۇ یاس مجلیسینده ایشتراک ائتمهنیز، او رحمتلینین رۇحۇنۇ سئویندیریب و اۆرهگی داغلی عایلهسینه تسللی اولاجاقدیر.
قادینلار مجلیسی عین زاماندا همان مچیدده قۇرۇلاجاقدیر
۲/۱۰/۱۳۹۳
اۇرمیهده تۆرک آشیق شعریئنه امک وئرن رۏبن یعقۇبیان
یازار: احمد اسدی
رۏبئن یعقۇبیان 1327-جی ایلده گۆنئی آزربایجان و اۇرمیهنین ناخچیوانتپه کندینده دۆنیایا گؤز آچمیشدی. اۇرمیهنین ائرمنیلریندن اۏلسادا، ایللر بۏیۇ تۆرک آشیق شعرینده چالیشیب یاپیتلار(اثرلر) یارادمیشدیر. روبئنین تکجه اۏغلو بیر قضادا اؤلدۆکدن سۏنرا، منزوی بیر یاشاما باشلاییب، یالقیز و یالنیز یاشاییردی. آشیق شعریمیزین چئشیدلی بؤلۆملرینده شعرلری اۏلان سئوان نهایت کئچن آی وفات ائتدی. اۇرمیهلی رۏبئنین اوچ شعرینی بیرگه اۏخویاق:
دار اۏلدۇ
فلکيـــــن اليندن گلديم زينهارا
گن دۆنيا باشيما دار اۏلدۇ دار دار!
مۇرغی کؤنلۆم عرض وصال ائيلهديی
قیسمتيم داليندا خار اۏلدۇ خار خار!
***
عئشقين سئــوداسينا دۆشن عاشیقم
وۆصاله يئتمهيــن، جـۏشان عاشیقم
عئشقين آتشينـــــده بیشن عاشیقم
پروانهيم، سئودام نار اۏلدۇ نار نار!
***
بيچاره سئوانام چۏخ چکديم زحمت
مۇرادا يئتمهديم، گؤرمــــهديم لذت
عؤمـــرۆ بادا وئرديم، سببی غفلت
سۏنۇندا مسکنيم غار اۏلدۇ غار غار!
اؤيرن پروانهدن
شۆکۆر اۏلسون يئتديم پايه ساقی ميخانهدن
مئی بادهسين سر چکميشم مست اۏلدۇم پيمانهدن
مست چشم يار سيررينی من سۏرۇشدۇم بۆلبۆلدن
بۆلبۆل دئدی من ناشييام، گئت اؤيرن پروانهدن
***
پروانه تک عئشق اۏدونا بۇ جانيم بيگانهدی
اؤز اؤلکهمده غريب اۏلدۇم، دؤرد يانيم بيگانهدی
اؤلۆب بولبول، کؤچۆب بايقۇ، مکانيم بيگانهدی
گئجه-گۆندۆز بان چکيرم بايقۇ تک ويرانهدن
***
ويران اۏلدۇ کؤنلۆم ائوی، باتديم محنت بحرينه
بير سۏنانين سئوداسيندا دۆشدۆم غملر نهرينه
آشنا ياريم دؤندۆ يادا، يانديم هجران قهرينه
دلی کؤنلۆم قئيس کيمی اۆزۆلمۆر جانانهدن
***
جانانينين فقير سئوان چوخ چکيبدی جفاسين
فرهاد کيمی جانين قۏيۏب، گؤرمهييب يار وفاسين
بۇ فنانين حتی بير دم سۆرمهييبدی صفاسين
گلن گوندن ستم گؤرۆب کسيبلر غمخانهدن
اشتراک در:
پستها (Atom)